नवनियुक्त संघीय मामिला तथा प्रशासन एवं भूमि व्यवस्था, सहकारी तथा गरिबी निवारणमन्त्री प्रतिभा रावलले पदभार ग्रहण गरेकी छिन् ।
बिज्ञापन
पत्रकारिता पृष्ठभूमिबाट आएकी राष्ट्रिय स्वतन्त्र पार्टी (रास्वपा) की सहप्रवक्ता एवं सांसद प्रतिभा रावलले भूमि व्यवस्था, सहकारी तथा गरिबी निवारण र संघीय मामिला तथा सामान्य प्रशासन गरी दुई महत्त्वपूर्ण मन्त्रालयको जिम्मेवारी दिइएको छ । विशेषगरी देशभरका कर्मचारी प्रशासनको जिम्मेवारी यो मन्त्रालयमा छ । स्थानीय तहदेखि प्रदेशसम्म देखिएको कर्मचारी सरुवा र पदस्थापनको समस्या समाधान गर्नुका अलवा एक दशकदेखि आउन नसकेको संघीय निजामती सेवा ऐन ल्याउन र कर्मचारी प्रशासनमा रहेको बेथिति अन्त्य गर्न उनले नेतृत्वदायी भूमिका खेल्नुपर्नेछ । त्यसबाहेक अन्तर सरकार समन्वयलाई प्रभावकारी बनाएर सेवा प्रवाहमा एकरुपता कायम गर्ने चुनौती पनि यो मन्त्रालयलाई छ ।
बिज्ञापन
। पत्रकारिताको एक दशक लामो यात्रामा उनले साउथ एसिया चेक, रिपब्लिका र ग्यालेक्सी फोरके टीभी जस्ता सञ्चारमाध्यममा काम गरेकी थिइन् । राजनीतिक सक्रियताले उनलाई ३२ वर्षकै उमेरमा सिंहदरबारको महत्वपूर्ण जिम्मेवारीमा पुर्याएको हो । उनी समानुपातिकतर्फबाट सांसद बनेकी हुन । पार्टीले समानुपातिकतर्फका उम्मेदवार चयन गर्न गरेको प्राइमरी इलेक्सनमा उनी महिलातर्फ पहिलो स्थान हासिल गर्न सफल भएकी थिइन् । रावलले यस अघि लामिछाने गृहमन्त्री हुँदा उनको सचिवालयमा रहेर काम गरेकी रावलले पार्टीको कानुनी र नीतिगत संकटका बेला महत्वपूर्ण भूमिका निर्वाह गरेकी थिइन् ।
राष्ट्रपति कार्यालयमा शपथ ग्रहण लगत्तै सिंहदरबार पुगेर मन्त्री रावलले पदभार ग्रहण गरे पनि उनले दुवै मन्त्रालयका कुनै पनि निर्णयमा हस्ताक्षर गरिनन् ।
बिज्ञापन
